Poliisi mu ggwanga erya Nigeria, ewaliriziddwa okukuba amasasi ne ttiyagaasi, bw’ebadde egumbulula abekalakaasi mu kibuga Akure, abaalumbye e Kkanisa akawungeezi k’olunnaku olweggulo ku Lwokusatu ne bagiteekera omuliro nga balumiriza omusumba okusaddaka omwana omwaka gumu, namuziika ku wolotaali.
Omwana yabula omwezi oguwedde ogwa November bwe yali agenze ku kkanisa ng’ali ne muganda we kyokka abakulu ku kkanisa, baludde nga bali mu kwebuzabuza.
Poliisi egamba nti abantu babiri (2) ku bekalakaasi bakubiddwa amasasi agabalumizza ate omu ku basirikale baabwe attiddwa.
Ekannisa emanyikiddwa nga Sotitobire Miracle Church y’ekumiddwako omuliro neteta ate Pasita Modupe Kolawole yakwattibwa sabiti ewedde ku misango gy’omwana okubula n’okusaddakibwa okuyambako Poliisi okunoonyereza.
