Kansala w’e Kawempe North ku lukiiko lwa Kampala Capital City Authority (KCCA) Muhammadi Ssegirinya Eddoboozi ly’e Kyebando azimbye amaka amatiribona e Kyebando okulaga nti obwa Kansala tebumusaze.
Ssegirinya y’omu ku bakulembeze mu Kampala abavumirira obukulembeze bwa Pulezidenti Yoweri Kaguta Museveni era y’omu ku basiinze okukubwa tiyagaasi olw’obukulembeze.
Mu kiseera kino y’omu ku bakansala abegwanyiza obwa sipiika mu lukiiko lwa KCCA ate mu 2021 ayagala kwesimbawo ng’omubaka wa Palamenti e Kawempe North, okudda mu bigere bya Latif Ssebagala.
Ssebagala ayagala kuvuganya omuloodi Ssalongo Erias Lukwago ku bwa Loodi meeya bwa Kampala.
Ssegirinya okuzimba amaka, kabonero akalaga nti ssente za Pulezidenti Museveni azikozeemu ekyamagezi kuba mu kiseera kino Kampala eri wansi wa Pulezidenti.
Ekifaananyi kya Bukedde
