Bya Nalule Aminah
Poliisi y’e Nansana ekutte abantu babiri (2) ku by’okubba emmotokka olunnaku olw’eggulo.
Abakwate kuliko Nsubuga Rodgers myaka 38 nga mutuuze we Lungujja ne Ssendawula Derrick myaka 21 nga mutuuze we Busega nga bonna bavuzi ba bodaboda ku by’okubba emmotoka ekika kya Corona nga yakiragala namba UAH 715L.
Okusinzira kw’amyuka omwogezi wa Poliisi mu Kampala n’emirirwano Luke Oweyesigyire, emmotoka yabiddwa okuva e Lungujja kyokka yasangiddwa ng’eteekeddwa mu galagi y’omutuuze e Wamala.
Oweyesigyire agamba nti abakwate bali ki misango gya bubbi era essaawa yonna, bakubatwala mu kkooti.
Poliisi egamba nti emmotoka yabiddwa ku musajja bwe yabadde agenze mu Super Market okubaako by’agula.
