Omuwala ali mu myaka 27 akubiddwa muganzi enkya ya leero, bw’amukutte lubona ng’ali n’omusajja wa bodaboda mu kaboozi.
Omuwala ategerekeseeko erya Winnie nga mutuuze we Buziga e Ggaba e Makindye yakubiddwa muganzi we enkya ya leero.
Omusajja amanyikiddwa nga ddeereva mu Takisi ze Kampala – Ggaba, awunze oluvanyuma lw’okusanga muganzi we ng’ali n’omusajja.
Ddereeva agamba nti abadde ne Winnie emyezi egisukka 8 era abadde amukolera buli kimu omuli n’okupangisa ennyumba ssaako n’okusasula ‘School Fees’ z’omwana we.
Enkya ya leero, abadde akedde kugenda wa Winnie okusinda akaboozi olw’embeera y’obudde wabula asobeddwa, okutuuka awaka nga Winnie ali mu ssanyu.
Agamba nti atuuse awaka, kwe kuwulira amaloboozi agava munda nga Winnie agamba nti “YAA AWOO DADDY’, kwe kutegeera nti ddala muganzi we ali mu bwenzi.
Olw’okutya, Winnie abadde agaanye okuggulawo oluggi kyokka omusajja bw’alemeddeko, aguddewo era amangu ddala owa bodaboda asobodde okudduka.
Okulwanagana kutandise wakati wa Winnie ne ddereeva okutuusa baneyiba webavuddeyo okutaasa embeera.
Winnie atabukidde omusajja!
Winnie agamba nti wadde ddereeva abadde amuwa ssente z’okupangisa ennyumba, tekitegeeza nti alina okumulemesa okwesanyusa.
Agamba nti ddereeva musajja mufumbo alina mukyala we nga y’emu ku nsonga lwaki naye alina okunoonya omusajja nga talina mukyala, okwesonyiwa abasajja abafumbo.
Mungeri y’emu agambye nti wadde ddereeva abadde nga musajja we, abadde alina okumukubira essimu kuba naye muntu era omubiri gusigala gubanja okufuna ku ssanyu ly’omu kisenge.
Ddereeva akubye Winnie!
Ddereeva olw’obusungu, akutte Winnie era amukubye n’okumwambula mu bantu.
Amulangidde obwenzi mu maaso g’abantu kyokka ne Winnie naye amwambalidde nti naye mwenzi nga y’emu ku nsonga lwaki yanoonya omukyala omulala ate nga musajja mufumbo.
Abatuuze babotodde ebyama!
Abatuuze basigadde bewuunya ddereeva okulwanira Winnie.
Bano bagamba nti Winnie y’omu ku bakyala abasamba ogw’ensimbi mu kitundu kyabwe era babadde balowooza nti ddereeva naye Kasitoma.
Balabudde abasajja okweddako nga kiswaza ddereeva okuleka omukyala mu nnyumba okudda mu bwenzi okunoonya abakyala abaludde nga batunda omukwano.
Ddereeva avuddewo okudda ku mulimu nga yenna aswadde era Winnie amulabudde okumwesonyiwa.
Ebirala ebifa mu ggwanga – https://www.youtube.com/watch?v=CNX_B8PZvxk
