Omuwala ali mu myaka 24 agambibwa nti muyizi ku Yunivasite emu mu Kampala akubye mukwano gwe, bw’amukutte lubona ng’ali mu kikolwa ne ‘Boy Friend’ we.
Omuwala ono ategerekeseeko erya Shamie nga mutuuze we Wandegeya, abadde asula ne mukwano gwe mu hositeero kyokka akawungeezi k’olunnaku olw’eggulo ku Lwokusatu, baafunye obutakaanya ne balwana okutuusa okweyambula.
Shamie agamba nti mukwano gwe Jamirah okuva mu ‘Ist Year’ abadde amanyi Boy Friend’ we Sam kyokka abadde tasuubira nti abadde amwegwanyiza.
Olunnaku olw’eggulo, okudda mu hositeero nga Jamirah ne Sam bali mu kwenywegera ku buliri era Sam yabadde atadde omukono gwe mu mpale ya Jamirah, anyonyogera ebitundu by’ekyama.
Shamie wakati mu kulukusa amaziga, agamba nti abadde tasuubira nti mukwano gwe Jamirah ayinza okudda mu Sam.
Ng’omuwala omulala yenna, ne Shamie yatabukidde Jamirah era wadde mukwano gwe, yamukubye okutuusa okumwambula bulawuzi.
Sam wakati mu kuswala, yatambudde okuvaawo, okwesonyiwa embeera y’okulwanagana ne Shamie wadde yabadde agezaako okunyonyola.
Shamie yakubye Jamirah, okutuusa abatuuze okuvaayo okutaasa ng’embeera eyongedde okutabuka.
Oluvanyuma lw’okutaasa, Jamirah yatambudde mpolampola okuva ku hositeero ate Shamie yabadde asobeddwa era yayingidde mu kasenge ka mukwano gwe, nga bambi ali mu maziga kuba kirabika Sam ye musajja yekka abadde ku mutima gwe.
Ne Bobi Wine ayogedde – https://www.youtube.com/watch?v=XHiO5LiMnAM
