Sheebah ayongedde okusomooza Cindy
Kyaddaki Omuyimbi Sheebah Kalungi avuddemu omwasi oluvanyuma lw’ekivvulu ekyabadde mu kisaawe e Kololo.
Sheebah yabadde mu kuvuganya ne Cindy era n’okutuusa kati, buli omu agamba nti yawangudde.
Abawagizi ba Cindy bagamba nti omuntu waabwe yawangudde ‘Battle’ era yalaze nti ddala ategeera kye bayita okuyimba.
Ate aba Sheebah bagamba nti, tewali kubusabuusa kwonna Sheebah yawangudde.
Ekivvulu kyasombodde abadigize okuva mu bitundu by’eggwanga eby’enjawulo, okulaba ku ‘Battle’ y’abakyala eyasoose mu Uganda.
Oluvanyuma lwa ‘Battle’, Sheebah asobodde okweyambisa omukutu ogwa ‘Twitter’ okwongera okusomooza.
Sheebah agamba nti tewali muntu yenna ayinza kuvuganya omuntu alondeddwa Omutonzi, kwe kusiima Omutonzi okumulonda mu bangi, “Thank you God for choosing me 🙏🏾 Indeed no one can challenge what you have chosen“.
Ebigambo bya Sheebah, kabonero akalaga nti ye alowooza nti yawangudde ‘Battle’ newankubadde ne Cindy agamba nti yawangudde.
Ebirala ebifa mu ggwanga – https://www.youtube.com/watch?v=ogQcmKB7bRs
