Omukulembeze w’eggwanga lino Yoweri Kaguta Museveni y’omu ku badigize abetabye mu kivvulu ky’omuyimbi Catherine Kusasira ku Serena Hotero mu Kampala ku Lwokutaano.
Museveni yawerekeddwako abakungu ab’enjawulo omuli baminisita, ababaka ba Palamenti era omuyimbi Catherine yayodde omusimbi Kusasira yasobodde okuyimba ennyimba ez’enjawulo era ezimu ku nnyimba zawaliriza Pulezidenti Museveni okumufuuwa ebbaasa ku siteegi.
Kigambibwa ebbaasa yabaddemu bukadde bwa ssente era Kusasira yafukamidde okwebaza Pulezidenti ku nsonga ebbiri okuli okukiriza okuggya mu kivvulu kye n’okumuwa ebbaasa ya ssente.
Mu Uganda, Kusasira ye muyimbi owokubiri okuleeta Pulezidenti Museveni mu kivvulu oluvanyuma lwa Bebe Cool okukikola mu 2017 mu kivvulu “Golden Heart” ekyali e Kololo nga 3, August, 2018.
