Entiisa ebutikidde abatuuze ku kyalo Hamurara mu ggombolola y’e Bubare mu disitulikiti y’e Rubanda, ssemaka Ngabirano Fred 46 bwe yetugidde ku muti gwa ovakeddo.
Omulambo gwa Ngabirano gusangiddwa mita 200 okuva makaage nga gulengejja ku muti.
Okusinzira ku Poliisi, Ngabirano yakubye muwala we, eyamututte ku Poliisi era abadde asuubirwa ku Poliisi y’e Bubare okuwa sitetimenti.
Elly Maate omwogezi wa Poliisi mu bitundu bye Kigezi Elly Maate agambye nti omulambo, guweereddwa ab’enganda okuziikibwa nga Poliisi bwenoonyereza ekituufu ekyavuddeko okwetta.
