Poliisi ekutte omuntu omu, ku by’okutta omutuuze Orikiriza Honesta myaka 30, abadde omutuuze ku kyalo Burera cell mu ggombolola y’e Nyakishenyi mu disitulikiti y’e Rukungiri.
Omulambo gwa Orikiriza gusangiddwa ku kitanda mu nnyumba ye nga yatugiddwa.
Okusinzira ku mwogezi wa Poliisi mu bitundu bye Kigezi Elly Maate, sabiti ewedde Olwokutaano, omugenzi yasindika mukwano gwe Namanya, okumuyitira Nabimanya Farida, okusuubula emiyembe gye.
Enkera ku Lwomukaaga, Nabimanya yageenda okusuubula emiyembe kyokka yasanga ennyumba nzigale.
Olunnaku olw’eggulo ku Ssande, yazeeyo era yasaanze ennyumba ekyali nzigale, kwekutemya ku baneyiba nga bakulembeddwamu Byaruhanga Benson, mukyala we Agnes, ssaako n’omutuuze omulala Allen.
Maate agamba nti baneyiba mu kwekebejja enju, kyazuuliddwa nti erimu ku ddinisa ly’enyumba lyabadde liggule era baasobodde okweyambisa omwana omuto Ainemani Isaac okuyita mu ddinisa, okuggula oluggi.
Abatuuze nga bakulembeddwamu Byaruhanga, okuyingira mu nnyumba, amaaso gaatukidde ku mulambo gwa Orikiriza nga bamunyola ensingo ne bamutta.
Maate agamba nti Poliisi esobodde okwata Tumwesigye Harriet abadde mukwano gw’omugenzi eyasemba okulabikako n’omugenzi, abayambeko mu kunoonyereza.
Omulambo gwatwaliddwa mu ddwaaliro erya Rwakabengo health center 3 okwekebe okwongera okwekebejjebwa.
