Ssabasajja Kabaka wa Buganda Ronald Edward Frederick Kimera Muwenda Mutebi II ayagalizza abasiraamu bonna mu ggwanga Eid el Fitri ennungi era naabasaba okwekuuma ekirwadde ki Covid-19.
Bino biri mu bubaka bwe obwa Iddi eri Abasiramu ba Uganda obwafulumiziddwa olunaku lw’eggulo bwatyo ne yeebaza bonna abatuukirizza ekiragiro ky’okusiiba.
Kabaka era agambye nti, “Nga tufundikira empagi enkulu ennyo mu ddiini y’Ekiyisiraamu, tukulisa bannaffe ab’enzikkiriza eno okuyita obulungi mu mwezi guno omutukuvu”.
