Ensisi ebutikidde eggwanga enkya ya leero, mwana mulenzi Nakinku mu kuwandiika n’okuyimba Moses Ssekibogo nga erikola ensimbi ye Mozey Radio owa Goodlyfe bw’afudde enkya ya leero.
Radio afiridde mu ddwaliro lya Case Hospital mu Kampala oluvanyuma lw’okubwa sabiti ewedde nga 23, Janwali, 2018 mu bbaala ya De Bar entebbe, ekyavirako omusaayi okugenda mu bwongo.
Mowzey Radio yazaalibwa nga 1 January 1985, era afiridde ku myaka 33.
Ssaabavvulu Balaam Baruhagare bw’abadde eyogerako eri bannamawulire ku Case Hospital mu Kampala agambye nti Radio wakuzikibwa Kaga e Nakawuka awali amaka gabadde azimbidde nnyina.
Omulambo mu kiseera gutwaliddwa mu gwanika lye ddwaliro e Mulago ate ku ssaawa 8 gutwalibwe mu maka g’omugenzi e Makindye.
Enkya omubiri gwa Radio gwakutwalibwa ku National Theatre gyebagenda okumukubirako eriiso evanyuma, azikibwe ku Lwomukaaga.
Entekateeka z’okuziika ziriko abantu abenjawulo okuli Ssabavvulu Balaam, Weasel Manizo abadde eyimba n’omugenzi, omubaka we Kyadondo East Robert Kyagulanyi Ssentamu (Bobi Wine), bamanejja babwe okuli omuyimbi Chagga ne Emma Carlos.
