Mu Uganda abayimbi bangi abasobodde okutunda ennyimba zabwe nga beyambisa obukodyo obwenjawulo omuli okunama mu vidiyo, amazina mu nnyimba oba okufulumya oluyimba nga lunene nnyo.
Mu mbeere eyo, Omuyimbi Spice Diana asobodde okweyambisa obukodyo obwenjawulo okutunda ennyimba ze n’okumanyika mu nsi yonna.
Olunnaku olw’eggulo, Spice Diana yabadde ne Konsati ku Front Page e Namasuba eyasombodde abantu bangi ddala okuva mu bitundu bya Kampala ebyenjawulo era yasobodde okuyimba ennyimba ze zonna omuli Tokombako, Anti Kale, Onsanula, Nze Akwagala, Njabala n’endala era abantu banyumiddwa ennyo.
Spice Diana yawerekeddwako abayimbi bangi ddala omuli Irene Namatovu, Eddy Kenzo, Weasel Manizo, Aziz Azion, Roden Y Kabako n’abalala.
Ku siteegi, Spice Diana yakyamudde abantu era abazinnyi be bakunamidde abadigize mu nnyimba ezenjawulo era abasajja balabiddwako nga basobeddwa anti abaana balaze ebintu byona ku ngulu.
