Ab’enganda za Kaddu Herbert, omusajja eyali alumba omulabirizi w’e Namirembe ku kituuti ku paasika Rt. Rev Wilberforce Kityo Luwalira batabukidde poliisi olw’okutwala omwana waabwe mu kkooti nga tebawuliriza nsonga zaabwe.
Ab’enganda za Kaddu bakakasa nti mutabani waabwe aludde ng’atawanyizibwa omutwe era ng’ajjanjabirwa mu ddwaliro ky’abatawanyizibwa emitwe e Butabika.
Ab’enganda nga bakulembeddwamu Kojja wa Kaddu, Ssekaayi Nsobya Emmanuel bagamba nti Poliisi yalemwa okutwala omwana wabwe mu ddwaliro okumwekebejja era mu kiseera kino bali mu kulimba nsi.
Wabula omwogezi wa Poliisi mu ggwanga, Emilian Kayima agambye nti Poliisi mulimu gwabwe okunoonyereza era Kaddu balina okumuzaayo mu ddwaliro okuddamu okumwekebejja obwongo.
https://www.youtube.com/watch?v=mpOyYATgEAY
