Omugagga Bryan White (Brian Kirumira) alabudde abantu okomya okulowooza nti basobola okufuna ssente mu bwangu nga tebala kukola.
Bryan White agamba nti abavubuka bangi nnyo mu ggwanga lino balemeddwa okukola okulwanyisa obwavu nga buli lunnaku bakeera kutayaaya, okuzannya zzaala, ekibalemesa okufuna ssente.
Mungeri y’emu agambye nti abavubuka balina okwebuuza ku bantu abalina kye bakoze mu kulwanyisa obwavu okusinga okubavuma.
Bwe yabadde ayogerako ku nsonga eyo, Bryan White yawadde eky’okulabirako nti Titus ‘Hard Rock’ Tugume alina emmundu era yandibadde egyeyambisa okubba kyoka yasalawo okweyambisa ekitone kye “ensamba ggere “ okulwanyisa obwavu.
Agamba nti ekibiina kye ekya Bryan White Foundation kigenda kuwagira Tugume okutumbula ekitone kye.
Bino okubyogera, Tugume yabadde akyaliddeko Bryan White okumwebaza okuyamba bannayuganda mu ngeri ezenjawulo era yawereddwa satifikeeti y’okusiima.
https://www.youtube.com/watch?v=zTeePQfkC-g
