Poliisi e Masaka etandiise okunoonyereza abatemu abakoze obulumbaganyi ku ssentebbe w’ekyalo Kabano mu muluka gwe ssanje mu ggombolola y’e Kasasa mu disitulikiti y’e Kyotera olunnaku olw’eggulo ku Lwokusatu ekiro.
Ssentebbe Charles Matovu Ssengabi atemera mu gy’obukulu 47 yalumbiddwa era yatemeddwa ebijjambiya ku mutwe n’amaggulu ne batwala ssente, amassimu era mu kiseera ali ku kitanda mu ddwaliro lya Grace’s Hospital mu kibuga kye Kalisizo ng’ali mu mbeera embi.
Okusinzira ku mwogezi wa Poliisi mu bendobendo lye Masaka Lameck Kigozi, abazigu babadde 6, batambulidde ku bodaboda era Poliisi etandiise okunoonyereza bonna okwatibwa.
