Ebya Bryan White (Brian Kirumira) byongedde okubigya era essaawa yonna ayolekedde okuvundira mu kkomera oluvanyuma lw'okutomera omuntu namutta.
Eyafudde etegerekeseko erya Steven atemera mu gy'obukulu 30 era abadde atunda musenyu e Bunda, Soya.
Kigambibwa omugenzi yabadde ava Munyonyo okubanja ssente z'omusenyi ku bodaboda namba UDZ 581J kyoka yabadde akomawo ku mirimu gye, emmotoka y'omugagga Bryan White Range Rover Sport namba UBD 242F ne mutomera.
Steven yafiridde mu kkubo bwe yabadde atwalibwa mu ddwaliro lya Mukwaya e Nsambya okufuna obujanjabi.
Ab'oluganda n'emikwano baduukidde ku Poliisi y'e Kabalagala era kigambibwa eyabadde avugga emmotoka Mathius Kisambu yakwatiddwa ne Bryan White aguddwako emisango egyenjawulo.
https://www.youtube.com/watch?v=SnXKzTJTP3M
