Tuleera eremeredde ddereeva neyingirira Bbanka ya Centenary ettabi lye Bugiri ku luguudo lwa Grant street ku Iganga-Tororo Highway era ebintu bya bukadde byonoonedwa.
Tuleera namba UBD 091C/UBD 669H eyingiridde bbanka ku ssaawa nga 10 ez’ekkiro era egoyezagoyeza ebintu omuli ekifo abantu webalindira, obutebe, emmeza, offisi ya manejja n’ebintu ebirala.
Abamu ku bakozi abagaanye okwatuukiriza amannya, abasangiddwa ku bbanka enkya ya leero, bagambye nti mu kabenje, tewali muntu yenna akoseddwa okuleka ebintu, ebyayononeddwa.
Tuleera ebadde etiseeko sementi okuva mu disitulikiti y’e Tororo era obudde webukeeredde nga Poliisi ezinzeeko ekifo kyonna.
Okusinzira ku mwogezi wa Poliisi mu bitundu bya Busoga East, James Mubi, enkya ya leero, dereeva abadde avuga Tuleera akwattiddwa wadde okwatuukiriza amannya ge.
Mungeri y’emu agambye nti bageenda kunoonyereza ku bintu bibiri omuli okuvuga ng’atamidde n’endiima.
