Ssabaduumizi wa Poliisi mu ggwanga erya South Africa Gen Khehla Sitole akiguddeko, ababbi bayingiridde amakaage ne batwala ttivi bbiri (2) ekika kya Flat Screen mu ssaza lye Mpumalanga.
Okusinzira ku Brigadier Vish Naudi, mu kiseera ekyo, Gen Sitole abadde mu kibuga Cape Town, ababbi kwe kumenya amakaage, okutwala ebintu.
Kigambibwa amaka gali mu kuddabirizibwa nga y’emu ku nsonga lwaki ababbi baafunye omukisa okuyingira okubba.
Mu ggwanga erya South Africa, ababbi beeyongedde obungi nga batwala ebintu eby’enjawulo omuli Okumenya amayumba, okunyakula ensawo z’abakyala n’okusingira ddala nga banyuse ku mirimu, okumenya endabirwamu z’emmotoka ne batwala ebintu wabula ne Poliisi nayo tetudde eyongedde amaanyi mu kunyweza ebyokwerinda.
