Poliisi ekutte omusajja abadde yeeyita omukyala n’ekigendererwa eky’okusaba abasajja ssente ng’abasuubizza okubalambuza ebyalo.
Ronald Muganza abadde yeeyita Aisha Nakayima atemera mu gy’obukulu 30 yakwattiddwa era asangiddwa ku Poliisi y’omu Kizungu e Makindye ng’asobeddwa.
Muganza abadde yazinga ebigoye okufuna akabina, okwambala baluuni okufuna amabbeere, okusiiga kyutekisi enjala ssaako n’okwambala wiivi y’enviiri nga mu kutambula kwe, ateekamu n’okwemoola.
Ku Poliisi agambye nti okuva ng’akyali mwana muto abadde yegoomba nnyo okuba omukyala kyokka wadde abadde yeekolako, tewali musajja yenna gw’asuubizza kaboozi ng’amugyeko ssente ze.
Muganza asabye okusonyiyibwa kuba okusindikibwa e Luzira, kigenda kutabangula embeera y’obulamu bwe.
