Poliisi ekutte omu ku baana abagambibwa okutta Kitaabwe nga kivudde ku butakaanya ku ttaka.
Ssemaka Tuwangye Karoli myaka 63 abadde omutuuze ku kyalo Birere mu disitulikiti y’e Isingiro, yatemeddwa nattibwa mu bukambwe ku Lwokubiri ekkiro, abaana be abalenzi babiri (2) era omulambo gwe gwasangiddwa mu kitaba ky’omusaayi.
Okusinzira ku ssentebbe w’ekyalo Butenga, Asaph Sabit, Tuwangye abadde ali mu ntekateeka okutunda yiika 4 ez’ettaka okutudde olusuku era yabadde amutegezezza ng’abaana webaagala okumutta, okumulemesa okutunda ettaka.
Ate omwogezi wa Poliisi mu bitundu bye Rwizi, Samson Kasasira agambye nti omu ku baana abenyigidde mu kutta kitaabwe akwattiddwa ali ku Poliisi y’e Kaberebere ate omwana owokubiri akyalira ku nsiko.
Kinnajjukirwa nti mukyala wa Tuwangye yafa mu Mayi, 2019.
