Poliisi etandiise okunoonyereza engeri essimu gy’esse omusajja mu disitulikiti y’e Kiruhura.
Godrin Mwebesa abadde mutuuze ku kyalo Rugaga cell mu ggombolola y’e Kayonza yattiddwa akawungeezi k’olunnaku olw’eggulo mu ngeri eyewunyisizza abatuuze.
Okusinzira ku beerabiddeko n’agaabwe ng’enjega eno egwaawo, Mwebesa yabadde yeeraba mu ‘Mirror’ y’emmotoka namba UEQ 955T nga y’omu ku batuuze, essimu n’ebwatuka omulundi gumu nga bbomu n’emuttirawo.
Kigambibwa essimu yabwatuse olwa Mwebesa okusemberera yingini y’emmotoka ng’ebuguma.
Omwogezi wa Poliisi mu bitundu bye Rwizi, Samson Kasasiira agambye nti essimu okutta omuntu kyewunyisa kyokka okunoonyereza kutandikiddewo mbagirawo.
