Bya Nalule Aminah
Poliisi y’e Kawempe ekutte abavunanyizibwa ku ssomero lya Little Angles day and Boarding primary school e Kawanda ku by’omwana eyabuze.
Omwana Mwesigwa Success ali mu kibiina kyakusatu (P3) yabula nga 16, october, 2019.
Okusinzira kw’amyuka omwogezi wa Poliisi mu Kampala n’emirirwano Luke Oweyesigyire, Mwesigwa yava ku ssomero ne mukwano gwe Adama.
Adama yatuuka awaka kyokka Mwesigwa, okuva nga 16, omwezi gunno, tebaddangamu kulabikako.
Oweyesigyire agamba nti abakulu b’essomero bakwattiddwa olw’okulagajjalira omwana kuba Mwesigwa abadde assomero mu kisulo.
Agamba nti abassomesa balina okunyonyola engeri omwana gye yafuluma essomero.
