Amyuka Resident District Commissioner (RDC) mu disitulikiti y’e Namayingo Majid Dhikusoka alagidde Poliisi okunoonya omusajja eyatikka omwama wa P7 olubuto akwatibwe.
Omwana owa P7 yazadde olunnaku olw’eggulo, bwe yakwasiddwa ekigezo eky’okubala ku ssomero lya Lufudu Primary School mu ggombolola y’e Mutumba mu disitulikiti y’e Namayingo.
Omwana atemera mu gy’obukulu 16, baamukiriza okutuula ebigezo n’olubuto kyokka yabadde yakatandika ekigezo ky’okubala, kwekufuna ebisa, era yazadde nga wayise ebbanga ttono.
Amyuka RDC Dhikusoka agamba nti eyatikka omwama olubuto avuga bodaboda era awadde ebiragiro ekitongole ekya Poliisi okunoonya omusajja akwattibwe.
Dhikusoka agamba nti okusomesa abazadde n’abaana, kisobodde okuyamba okukendeza ku muwendo gw’abaana abazaala ku myaka emito ssaako n’abazadde abaali bafumbiz abaana abatanneetuuka.
