Omulamuzi wa kkooti enkulu mu Kampala Steven Mubiru asindise ku Limanda abantu babiri (2) nga bonna basajja ku misango gy’okubba omusirikale w’ekitongole kya makkomera.
Abasindikiddwa ku limanda okuliko Kato Ibrahim amanyikiddwa nga Muko ne Kayemba Junior ku misango gy’okubba Corporal Wadda.
Okusinzira ku ludda oluwaabi, nga 2, December, 2017 ku mwala gwe Nakivubo mu Kampala, Kato ne Kayemba, baakuba Corporal Wadda omutayimbwa ne batwala essimu ye ebalirwamu emitwalo 60, ssente emitwalo 10 ne Identity Card y’omulimu.
Mu kkooti, bonna begaanye emisango era omulamuzi abasindise ku limanda okutuusa nga 20, December, 2019.
