Omulamuzi wa kkooti esokerwako e Nateete Joel Wagoye asindise mu kkooti enkulu abantu musanvu (7) okwewozaako ku misango gy’okutta Maria Nagirinya ne ddereeva we Ronald Kitayimbwa.
Abantu 7 abasindikiddwa mu kkooti enkulu kuliko Kisekka Hassan (Masadda), Mpanga Sharif (Shafik), Kateregga Sadat (Barosi) Okiri Raymond ne Ssenabulya Isaac ku misango 3 omuli okuwamba, okutta ssaako n’obubbi.
Okusinzira ku ludda oluwaabi nga lukulembeddwamu Safina Bileke, balina obujjulizi obumala okulumiriza abavunaanibwa mu kkooti enkulu.
Nagirinya yawambibwa e Lungujja mu kiro kya August 28, 2019 ng’ali ne Kitayimbwa eyali amuvuga.
Emirambo gyabwe gyazuulwa nga 30, August, 2-19 e Nakitutuli-Nama mu disitulikiti y’e Mukono.
