Omuyimbi Rema Namakula musanyufu nnyo mu kiseera kino olwa muwala we Aamaal Musuuza Malaika okuweza emyaka 5.
Rema asobodde okweyambisa omukutu ogwa instagram okulaga essannyu lye era agambye nti, “Awww my heart. Can’t believe you are making 5 already..Ma sha Allah“.
Mu kiseera kino Rema ali mu bufumbo bwa Dr. Hamzah Ssebunya kyokka musanyufu nnyo olw’okuzaalira eyali bba Eddy Kenzo omwana omulungi n’okujjaguza emyaka 5.
Rema okuzaalira Kenzo omwana n’okuwangalira mu bufumbo emyaka egisukka esatu ng’ali mu ssannyu, kabonero akalaga nti Kenzo yali ategeera kye kayita okusanyusa omukyala mu kisenge kyokka oluvanyuma ebintu byamutabukako.
Okusinzira ku bakugu mu nsonga z’obufumbo, Kenzo okusuula Rema mu maka e Sseguku emyaka egisukka ebiri (2), kabonero akalaga nti yatya okuddamu okukuba emmese ng’emugezeeko era Rema yali alina okunoonya omusajja omulala ategeera kye bayita omukwano ate omwetegefu okugenda mu bazadde.
