Omusibe mu kaddukulu e Maluku mu disitulikiti y’e Mbale, yakubiddwa essasi, akawungeezi k’olunnaku olw’eggulo, eryamuttiddewo.
Mugoya Gumonye myaka 20 yeyattiddwa bwe yakubiddwa omusirikale bwe yabadde agezaako okubuuka ekisenge kye kkomera, okudduka.
Okusinzira ku Jolly Robert Bamutura akulira ekkomera lye Maluku, Mugoya yakubiddwa essasi mu kisambi era yafudde olw’omusaayi omungi ogwamuvuddemu.
Mugoya, omwaka oguwedde ogwa 2019 mu December, kkooti yamusingisa emisango gy’obubbi kwe kumusindika mu kkomera okusibwa emyaka 4.
Robert Tukei, omwogezi wa Poliisi mu bitundu bya Elgon, agambye nti omulambo gutwaliddwa mu ddwaaliro lye Mbale okwekebejjebwa.
