Poliisi mu ggwanga erya Nigeria, atandiise okunoonyereza ku ngeri ssemaka gye yafiiridde mu loogi.
Ssemaka Eric Igbedion Agboegbulem myaka 60 abadde munnamateeka nga y’omu ku bannaddiini abagundivu abaludde nga bakulembera e Kkanisa St Patrick’s Catholic Church mu ssaaza lye Delta, yasangiddwa ng’afiiridde mu loogi nga yenna ali bukunya.
Mu loogi, yabadde agenze n’omuwala Precious okuva mu ssaaza lye Akwa Ibom.
Ku Poliisi, omuwala agambye nti ku ssaawa 10 ez’ekiro, omusajja yamuzukusizza ne banyumya akaboozi kyokka yazeewo ne yebaka nga yekka akooye.
Ku ssaawa 12, omuwala agamba nti yazzeemu okumuyita, okusaba ssente ze bakkiriziganyizaako okumutwala mu loogi kyokka yabadde awuuna buwuunyi.
Omuwala agamba nti omusajja, yabadde amwepikidde nnyo ng’aliko eddagala ly’amize era kiteeberezebwa yanafuye omutima, ekyavuddeko okufa kwe.
Olw’okutya, agamba nti yakubye enduulu eyasombodde abakozi b’oku loogi, era bageenze okwekebejja omusajja nga yafudde.
Omugenzi abadde musajja mufumbo ng’alina abaana era okufa kwe ng’ali mu loogi, bangi ku bannansi mu ggwanga erya Nigeria, basigadde bakyewunya.
Yo Poliisi etandiise okunoonyereza, okuzuula ekituufu ekyavuddeko munnamateeka Eric okufa.
First report
