Poliisi, etandiise okunoonyereza ku ngeri abatuuze gye batwaliddwa amateeka mu ngalo ne batta omutuuze.
Ndabaleye Gilbert myaka 40 abadde omutuuze ku kyalo Kisenyi mu ggombolola y’e Kanaba mu disitulikiti y’e Kisoro, yattiddwa akawungeezi k’olunnaku olw’eggulo nga bamulanga okubatigomya ng’abba ebintu eby’enjawulo.
Abatuuze baamugobye okuva ku kyalo Kanaba ne bamukwatira ku kyalo Nyakabande ne bamukuba emiggo, amayin ja n’ensambaggere okutuusa lwe yafudde era Poliisi webatuukidde nga zembuyaga ezikunta.
Okusinzira ku mwogezi wa Poliisi mu bitundu bye Kigezi Elly Maate, abatuuze balina okomya okutwalira amateeka mu ngalo era abatuuze bonna abenyigidde mu kutta, Ndabaleye bali ku misango gya kutta muntu era Poliisi, etandiise okunoonyereza.
Omulambo, gwatwaliddwa mu ddwaaliro lye Kisoro okwongera okwekebejjebwa.
