Poliisi etandiise okunoonyereza ekivuddeko omuliro ogusanyizaawo ekimu ku kizimbe ky’essomero lya Gayaza High School akawungeezi ka leero ku Lwokutaano.
Poliisi egamba nti omuliro gukutte ekizimbe kya Corby kyokka ekirungi abayizi bonna bali mu mbeera nungi.
Mungeri y’emu Poliisi egamba nti ebintu byonna eby’abayizi bya bukadde bisanyewo omuli engoye, ebitabo, ebidomola, kkeesi z’abaana n’ebintu ebirala.
Poliisi egamba nti ekizimbe ekiyidde kye kimu ku kisinga obukadde ku Gayaza High School era okunoonyereza kutandikiddewo mbagirawo okuzuula ekivuddeko omuliro.
Abamu ku batuuze bagamba nti omuliro guvudde ku masanyalaze wabula Poliisi esabye abazadde n’abatuuze okukomya okuteebereza ku kivuddeko omuliro.
