Poliisi mu Kampala ekoze ekikweekweeto mwekwattidde abantu 108 abagambibwa okwenyigira mu kutigomya abatuuze.
Ekikweekweeto kikulembeddwamu addumira Poliisi mu Kampala n’emirirwano Moses Kafeero mu bitundu okuli Kawempe, Wandegeya, Kalerwe, Kiira, Kyebando, Kisasisi kyokka bangi ku bakwattiddwa bagiddwa ku Northern Bypass nga ekikweekweeto kikoleddwa ebitongole eby’enjawulo nga begatiddwako aba LDU.
Okusinzira ku mwogezi wa Poliisi mu Kampala n’emirirwano Afande Patrick Onyango, ekikweekweeto kyakoleddwa oluvanyuma lw’abatuuze okwemulugunya ku babbi, abeyongedde mu kitundu kyabwe.
Onyango agamba nti mu kikweekweeto, Poliisi yazudde ebintu eby’enjawulo omuli enjaga, amassimu agateeberezebwa okubeera amabbe ssaako n’ebyuma ebyeyambisibwa okumenya amayumba.
Ku bakwattiddwa, 40 bali ku Poliisi y’e Kawempe, 48 bakuumibwa ku poliisi Wandegeya ate 49 bali ku Poliisi y’e Kira.
