Abantu 3 battiddwa mu kabenje k’emmotoka ate 7 batwaliddwa mu ddwaaliro nga bali mu mbeera mbi.
Akebenje kavudde ku takisi ebadde ku misinde okutomera abantu nga bali ku bodaboda mu maaso g’essomero lya Luweero Boys Primary School mu Tawuni Kanso y’e Luweero ku luguudo oluva e Kampala okudda e Gulu emisana ga leero.
Takisi namba UBJ 164M eyakazibwako erya ‘Drone’ yetomedde bodaboda namba UEG 809E.
Okusinzira kw’addumira Poliisi mu disitulikiti y’e Luweero Abraham Tukundane, abafudde kuliko obwa bodaboda, Kondakita ssaako n’omu ku basaabaze akutuse, nga bakamutuusa mu ddwaaliro e Luweero.
Tukundane agamba nti owa Takisi okuvuga emisinde egisukkiridde y’emu ku nsonga evuddeko akabenje.
Abamu ku bafunye ebisago abatwaliddwa mu ddwaaliro nga bataawa kuliko Moses Kawuki, Sharifah Kanyike ne Sophia Kizza nga bonna batuuze mu katawuni k’e Luweero.
