Entiisa n’ekiyongobero bibuutikidde abatuuze ku kyalo Bulamba mu ggoombolola y’e Busitema mu disitulikiti y’e Busia, maama bw’asse mutabani we myaka 3 era asangiddwa, ng’atandiise okulya omulambo ebitundu eby’enjawulo.
Maama amannya gasirikiddwa, asangiddwa mu kibira kye Busitema ng’omwana yamusse dda ali mu kulya ebintu bye omuli waaya n’ebyenda.
Mu kwekebejja ekifo omukyala wasangiddwa, ebitundu ebimu omuli ebyenda bisangiddwa ku Kyoto, ku buti ng’ali ku byokya, ekyongedde okutabula abatuuze.
Kigambibwa, omukyala abadde yafunyemu obuzibu ku mutwe nga n’okutta omwana we ssaako n’okumulya, kiteeberezebwa abadde tabitegeera.
Frank Musobya mukwano gw’omusajja nanyini mukyala, agamba nti mukyala abadde munnansi wa Kenya era mu kibira asangiddwa ng’omulambo gutandiise okuvunda oluvanyuma lw’okubula okuva ku Lwokubiri.
Taata w’omukyala Moses Bwire asangiddwa ng’asobeddwa ku kikolwa kya Mukyala we okutta omwana ssaako n’okulya omulambo era alemeddwa okubaako kyayogera.
Ate ssentebe w’ekyalo Nathan Wandera, agamba omukyala aludde ng’atawanyiza omutwe era nga ne Poliisi bagitegeezaako.
Wabula abatuuze bagamba nti omukyala okulya omulambo, kabonero akalaga abadde musezi era naye abadde agwanidde kuttibwa.
Wabula addumira poliisi mu bitundu bye Busia Moses Kakiryo agamba nti Poliisi etandiise okunoonyereza era omulambo gutwaliddwa mu ddwaaliro lye Busia Health Center IV okwekebejja.
