Kyaddaki aba Chicken Tonight bayongedde okuswaza omuyimbi Angella Katatumba era asabiddwa okuvaayo okwetonda kuba yali mu nsobi.
Sabiti ewedde amawulire gasasaana nti abakozi ba Chicken Tonight ettabi lye Muyenga bakuba omuyimbi Katatumba n’eriiso ne balikuba.
Katatumba yali ageenze n’omuyimbi Kuzi Kz okufuna eky’okulya ku Chicken Tonight ku Easter Sunday ekiro.
Okusinzira ku Vidiyo, Katatumba ne Kuzi Kz bebatandika olutalo kyoka bbo ne basalawo okuwudiisa abantu.
Vidiyo, eraga nti Katatumba ne Kuzi Kz bebatandika okukyankalanya ekifo omuli okuyuwa ssabuni y’amazzi mu ntebbe, bakasuka eby’okulya nga bekwasa obusongasonga ekyawaliriza abakozi nga bayambibwako omukuumi okusindikiriza Katatumba ne munne Kuzi okufuluma ebweru.
https://www.youtube.com/watch?v=od9WjJ5Pml4
Mungeri y’emu Vidiyo eraga nti okusindikiriza Katatumba ne munne Kuzi okulwanagana kwali kwamanyi ddala era Katatumba yakwata baketi omusuulwa kasasiro okugikuba omu ku bakozi kyoka omukuumi yamwanguyira okugimugyako nagikuba munne Kuzi.
Mu kiseera kino Poliisi okuva e Kabalagala eri omusango gwo era okunoonyereza kugenda mu maaso.
Wabula omu ku bakulembera Chicken Tonight ategerekeseeko erya James, agambye nti ensonga ezo mu kiseera kino bazitwala mu kkooti kuba Katatumba atandiise okutatana ekifo kyabwe.
https://www.youtube.com/watch?v=0Uhxeq3ty2c
