Abayimbi okuli Bebe Cool, Bobi Wine ne Jose Chameleone balidde eswagga ku mukolo gw’omuyimbi Catherine Kusasira ogwabaddewo olunnaku olw’eggulo nga 20, April, 2018.
Omukolo gw’abadde ku kyalo Lwogi mu Luweero ewa Jjaaja wa Catherine era gwasombodde abantu bangi ddala omuli abayimbi, bannakatemba, abantu b’oku kyalo okwerabira ku basereebu, bannabyabufuzi mu Gavumenti eya wakati, okuva e Mmengo n’abantu abalala.
Okwanjula kwatekeddwamu ssente abantu abenjawulo omuli Maj. Gen. Proscovia Nalweyiso, Hajjati Aisha, Mariam Namayanja (abakozi mu maka g’Obwapulezidenti) Musa Kavuma n’abayimbi ba Golden band nga bakulemeddwamu Mesach Semakula, Kijjambu, John Mulinde ne Ssalongo Kimera abagagga b’e Masaka, Maama Fiina, Issa Musoke, ab’oluganda, abawagizi be ne mikwano gye abalala.
Wabula abayimbi Bebe, Bobi ne Chameleone bayaniriziddwa abantu bangi ddala era enduulu yasanikidde ekifo kyona.
Sserugga ne Kusasira bazze balagaanya okwanjula era n’omwaka oguwedde ogwa 2017 balangirira okukola okwanjula mu June naye tekwaliyo abantu ne batuuka n’okulowooza nti babeera mu katemba buli lunnaku, okutuusa olunnaku olw’eggulo we batukiriza.
https://www.youtube.com/watch?v=eBLEI1a9B5k
Ku mukolo gwo, Chameleone yatabukidde munnamawulire wa Bukedde TV Josephat Seguya okusaasaanya amawulire amakyamu ku bayimbi.
Chameleone yalabudde Seguya okunoonya eby’okukola kuba musajja mukulu ali myaka 40 nga byakola mu kiseera kino bimuswaza.
https://www.youtube.com/watch?v=XasCAjeLHsc
https://www.youtube.com/watch?v=EIjmkdvYbB0
