Omuyimbi Fille Mutoni ayongedde okulaga nti mu ggwanga lino Uganda y’omu ku bakyala abato abasobodde okutumbula ekitone kyabwe mu kisaawe ky’okuyimba.
Fille olunnaku olw’eggulo yabadde alina konsati ku Golf Course Hotel mu Kampala era bambi yasobodde okufuna abantu.
Abayimbi bangi abasobodde okumuwerekerako omuli Bebe Cool, Cindy Ssanyu, B2C n’abalala bangi nnyo.
Bba MC Kats yeyakulembeddemu okutekateeka konsati era okusinzira ku badigize, Kats obwedda ali mu bifo byona ku siteegi ne kumulyango okwekeneenya ensimbi engeri gye ziyingira.
Abasomera ebbaluwa mu bbaasa obwedda bagamba ekitwala MC Kats ku siteegi ayagala kwekeneenya n’okulemesa abantu bonna abayinza okutukirira mukyala we Fille okumusonseka obugambo obw’omukwano.
