Poliisi y’e Kagadi ekutte omusajja eyatuze omwana we owoobuwala, mwezi gumu omulambo n’agusuula mu kabuyonjo.
Silver Amariat myaka 20 nga mutuuze mu disitulikiti y’e Soroti yakwattiddwa akawungeezi k’olunnaku olw’eggulo ku Lwokubiri era mu kiseera akuumibwa ku kitebe kya Poliisi e Kagadi.
Maama w’omwana ategerekeseeko erya Yusitina agamba nti omwana yamulese mu nnyumba nga yebase bwe yabadde atekateeka eky’okulya kyokka yagenze okudda ng’omwana talabikako.
Amangu ddala yabuzizza bba, okumutegeeza omwana gy’ali ng’amatama ntengo.
Omukyala olw’okutya okungi, yaddukidde ku Poliisi y’omu kitundu, okuyamba okunoonya omwana we gyatwaliddwa.
Okusinzira kw’addumira Poliisi mu disitulikiti y’e Kagadi Romeo Onek Ojara, omulambo gw’omwana gwasangiddwa mu kabuyonjo nga yafudde olw’okutugibwa era Poliisi etandiise okunoonyerez lwaki omusajja yasse omwana we.
Omulambo gwatwaliddwa ku ddwaaliro erya Kagadi General Hospital okwekebejjebwa ate taata Amariat aguddwako musango gwa butemu.
