Omusajja Lawrence Okello asindikiddwa mu kkomera e Luzira okusibwa emyaka 45 lwa bubbi na butemu.
Okello asimbiddwa mu kkooti y’amaggye e Makindye ekubirizibwa ssentebbe Lt General Andrew Gutti era asingisiddwa omusango gw’okutta Wallace Makumbi bwe yamukuba essasi nga 1, December, 2018 e Bwoyegerere, Kirinya mu disitulikiti y’e Wakiso.
Okello era asingisiddwa omusango gw’okubba pikipiki ya Makumbi ekika kya Bajaj Boxer namba UEN, 922L.
Lt General Gutti okusingisa Okello emisango n’okumusiba emyaka 45, asinzidde ku bujjulizi obwa Police Detective Joel Opore, Superintendent of Police Michael Ogingo, Benedict Odiek, Dr Male Mutumba abaali mu kunoonyereza n’okwekebejja omulambo ssaako ne Ronald Sentamu eyali nannyini pikipiki Makumbi gye yali avuga.
