Abasaabaze abasukka mu 60 basimattuse okufiira mu kabenje ka bbaasi, okuva mu ggwanga erya Rwanda enkya ya leero, bwekutte omuliro neyaka n’esaanawo era ebintu byona bifuuse vvu.
Bbaasi ya Kampuni ya Trinity eye Rwanda namba RAD 644G, ekutte omuliro bw’ebadde eyimiridde okugyaza e Buwama ku lwe Masaka.
Okusinzira ku basaabaze, abasimatuuse okufiira mu bbaasi, dereeva abadde yakagivaamu, ekikka nekitandika mpolampola, ekiwaliriza abasaabaze okugifulumamu.
Abasaabaze nga bakafuluma, bbaasi ebwatuse omulundi gumu n’ekwata omuliro era yonna esaanyewo n’ebigibaddemu.
Bbaasi ebadde eva Kigali mu ggwanga erya Rwanda okudda mu Kampala era Poliisi egamba nti kiteeberezebwa nti omuliro gutandikidde mu yingini ya bbaasi era okunoonyereza kutandikiddewo mbagirawo.
Ekifaananyi kya PML Daily
