Poliisi etandiise okunoonyereza ku Bbomu, eyazuuliddwa akawungeezi k’olunnaku olw’eggulo ku kyalo Bugema mu ggombolola y’e Bukasakya mu disitulikiti y’e Mbale.
Bbomu, yalabiddwa abatuuze abaatemeza ku Poliisi ssaako n’abakulembeze ku kyalo.
Okusinzira ku mwogezi wa Poliisi mu bitundu bya Elgon, Robert Tukei, Bbomu yagiddwawo Poliisi nga yegattiddwako amaggye ag’ekibiinja eky’okusatu e Bugema.
Mungeri y’emu agambye nti yakwasiddwa amaggye okwongera okugyekebejja.
Tukei asiimye abatuuze okutegeza ku Poliisi, nga bbomu, tenaba kubatusaako bulabe.
Abamu ku batuuze abagaanye okwatuukiriza amaanya gaabwe bagambye nti bbomu, yabadde mu kika kya guluneedi.
