Poliisi ekutte abasajja basatu (3) ku by’okusobya ku mukyala wa Pasita mu ssaaza lye Oyo mu ggwanga erya Nigeria.
Abakwate kuliko Kehinde Olajide, 32, Ayoola Richard, 23, ne Felix Babalola, 27.
Bonna 3 baasobezza ku mukyala wa Pasita gye basabira, akawungeezi k’olunnaku olwa Mmande.
Ku Poliisi, Ayoola agambye nti Pasita Olajire Bayo yabatumye okukima engoye eziddugala awaka kyokka mukyala we, yasangiddwa ng’ali mu kiyigo anaaba.
Agamba nti baludde nga balina ekirowoozo okusobya ku mukyala wa Pasita kuba abadde asukkiridde okubakookoonya ssaako n’okunyirira.
Ayoola agamba nti mukyala wa Pasita baamulinze okuva mu kiyigo nga yesibye tawulo era bamulondodde okutuuka mu kisenge ne bamusobyako kirindi.
Okusinzira ku poliisi, abakwate baguddwako emisango 2 omuli okusobya ku mukyala ssaako n’okutisatiisa okutta omuntu.
Ategeezeza Poliisi nti yewunyizza mukyala wa Pasita okuloopa ate nga yalabuddwa okuttibwa singa ategezaako omuntu yenna.
