Minisita omubeezi avunaanyizibwa ku byenjigiriza ebisookerwako Rosemary Nansubuga Seninde akangudde ku ddoboozi ku muzadde eyalabikidde mu katambi ng’abonereza omwana we ku ssomero lya Marto Nursery School e Kamwookya.
Ku ntandiikwa ya sabiti eno ku lunnaku olwokubiri, ka vidiyo kasaasaanyizibwa ku mikutu egyenjawulo nga taata Daniel Kibuye akutte kibooko ayisaako mutabani we obuswanyu mu maaso g’abaana n’abassomesa kubigambibwa nti omwana we myaka 4 yali abulidde mu kkubo olw’omuzannyo ng’ateekeddwa okumugunjula ng’omuzadde mu maaso g’abaana banne.
Wabula okusinzira ku Minisita Sseninde, tewali muzadde yenna ateekeddwa kutulugunya mwana nga yefudde amugunjula kyoka n’abassomesa bakozze nsobi, obutafaayo ng’eddembe ly’omwana lityoboolwa.
Minisita Sseninde agamba nti omuzadde n’abassomesa bonna balina okubonerezebwa.
https://www.youtube.com/watch?v=n2ffYsji5m8
