MINISITA w’ensonga za Sseemateeka Maj. Gen. Kahinda Otafiire asekeredde abalowooza nti omukulembeze w’eggwanga lino Yoweri Kaguta Museveni agenda kusulawo obuyinza.
Minisita Otafiire agamba nti wadde ab’oludda oluvuganya basukkiridde effujjo n’okuwogana, tebasubira nti ebyo, biyinza okusindikiriza Pulezidenti Museveni okuwaayo obuyinza.
Mungeri y’emu agambye nti Pulezidenti Museveni alondebwa bantu okulembera eggwanga lyabwe Uganda era singa bamukoowa tebagenda kuddamu kumulonda.
Otafiire alabudde ab’oludda oluvuganya okwetekateeka obulungi okulinda akalulu okusobola okuggya Museveni mu buyinza kuba tewali muntu yenna gwe bagenda kukiriza kweyambisa ffujjo kutabangula ggwanga.
Museveni will only go when you stop voting him. He will not go because people are shouting. Nobody is going to shout Museveni out of office, forget it. Museveni will only be removed by the people of Uganda when they vote him out of office,’’ Gen Otafiire said.
Okubyogera, yabadde atongoza ekifo kya bannamateeka ekya Justice, Law and Order (JILOS) mu bitundu bya Ibanda ne Kiruhura.
