Munnamawulire omugundivu mu ggwanga lino Uganda Andrew Mwenda awagidde ekya Gavumenti okweyambisa eryannyi n’obukambwe ku bawagizi b’omubaka we Kyadondo East Robert Kyagulanyi Ssentamu amanyikiddwa nga Bobi Wine.
Mwenda agamba nti minisita w’ebyokwerinda yafunye amawulire nti abawagizi ba Bobi Wine babadde batekateeka okwokya ekibuga Kampala era babadde tebayinza kubaguminkiriza.
Andrew Mwenda ne Bobi Wine
Mungeri y’emu agamba nti yawagidde nnyo engeri Gavumenti gye yakuttemu ensonga y’ebyokwerinda n’okukuuma emirembe kuba kiyamba nnyo omuntu wawansi n’okusingira ddala ku luguudo lw’Entebbe.
Agamba nti Bobi Wine kirabika talina kyamanyi era tasanidde kulembera.
Okubyogera, abadde ku NBS mu Pulogulamu NBSfrontline ekkiro ekikeseza olunaku lwa leero.
“Andrew Mwenda: I find Hon. Kyagulanyi (Bobi wine) misinformed and uninformed, he needs to be led rather than to lead.
I 100% support the government measures they took in terms of security to protect the ordinary Ugandan who works along Entebbe road to disrupt the Bobi Wine fans who wanted to welcome him.
The minister for Security had intelligence that the supporters wanted to burn down the city. My advice to government is that these people’s violence and intimidation needs to be stopped“.
