Omusango oguvunaanibwa, omubaka we Kyadondo East, Robert Kyagulanyi Ssentamu amanyikiddwa nga Bobi Wine, teguwuliddwa enkya ya leero, ekiwaliriza omulamuzi Joan Achaa owa Buganda Road, ogwongezaayo.
Bobi Wine avunanibwa ne banne okuli; mukulu we Fred Nyanzi, Julius Katongole, David Lule ne Edward Ssebuufu amanyikiddwa nga (Eddy Mutwe).
Okusinzira ku ludda oluwaabi, Bobi ne banne bagyemeera amateeka ne bakuba olukuhhana mu kibuga wakati ku City Square bwe baali beekalakaasa olw’omusolo gw’essimu (OTT) ogwatongozebwa.
Okwekalakaasa kwo kwaliwo nga 11, July, 2018 era oludda oluwaabi, lugamba nti Bobi Wine ne banne balemererwa okukolagana n’ekitongole ekya poliisi okulaba nga abagenda okwetaba mu lukuhhaana tebalina mmundu wadde eky’okulwanyisa kyonna.
Mu kkooti, Omulamuzi ategezeddwa nti Bobi ali mu ggwanga erya Kenya era omusango gwongezeddwayo okutuusa nga 28, October, 2019.
Wabula oludda oluwaabi lubadde luleese abajjulizi 4 okulumiriza Bobi ne banne.
