Omusirikale ali ku ddaala ‘Police Constable’ mu disitulikiti y’e Ntungamo ng’atemera mu gy’obukulu 34 yesse nga yekubye esaasi ku mutwe erimutiddewo.
Ben Langoya abadde mu kitebe kya Poliisi e Ntungamo era ku ssaawa 12:30 ez’oku makya ga leero yekubye essasi olw’ensonga etamanyiddwa.
Omu ku basirikale agaanye okwatuukiriza amannya ge, agambye nti omulambo gwa Langoya, gusangiddwa ng’atudde wansi, emmundu eri mu kifuba n’ekiwundu ku mutwe, nga yenna abunye omusaayi.
Omulambo, gutwaliddwa mu ddwaaliro erya Itojo okwekebejjebwa nga Poliisi bwenoonyereza ekivuddeko omusirikale waabwe okwetta.
Langoya weyettidde, nga Poliisi sabiti ewedde, yafuna ba polofeesa okuva ku yunivasite y’e Makerere okwekebejja obwongo bw’abasirikale abamu kigambibwa mulimu abasirikale, abalina ekirwadde ky’emitwe.
