Kyaddaki Douglas Lwanga avuddeyo ku nsonga za mukwano gwe Edwin Katamba amanyikiddwa nga MC Kats.
Douglas ne MC Kats bonna bakozi ku NBS TV mu Pulogulamu After 5 ate baali bombi ku NTV.
MC Kats yalangiridde nti mulwadde wa sirimu era ali ku ddagala kyokka okulangirira kwe, kulabika nti kwakosezza nnyo famire ye omuli abaana be ssaako ne mukyala we omuyimbi Fille Mutoni.
Mungeri y’emu wabaddewo ebyogerwa nti MC Kats ali mu mbeera mbi nnyo yekyaye era ayagala kwetta.
Ku wikendi, waliwo akatambi ka vidiyo akaafulumye nga MC Kats akutte akambe ayagala kwesala ng’agamba nti akooye obulamu, ekyaleseewo okutya mu bannayuganda n’okusaba mikwano gye oba famire, okutwala MC Kats mu kifo ekibudabuda abantu abalina akawuka akalwaza siriimu.
Wabula Douglas asobodde okweyambisa omukutu gwe ogwa Instagram okutegeeza eggwanga nti MC Kats ali mu mbeera nungi, tewali nsonga yonna lwaki abantu batya kyokka abasiimye okufaayo ku bulamu bwa Kats. Mungeri y’emu agambye nti ne vidiyo nga Mc Kats akutte akambe nkadde nnyo, “MC Kats is fine guys, no need to cause an alarm. However thanks for caring by reaching out and showing concern. The videos being shared are old videos so Please ignore. Thank you“.
Ebigambo bya Douglas biraga nti ebyogerwa nti MC Kats ali mu mbeera mbi bya bulimba.
