Omulamuzi wa kkooti esokerwako Entebbe, ayongezaayo omusango oguvunanibwa Godfrey Wamala atemera mu gy’obukulu 28, eyakwatibwa ku by’okutta yali nakinku mu kuwandiika ennyimba n’okuziyimba Moses Ssekibogo, eyali amanyikiddwa nga Mowzey Radio.
Wamala bangi ku bannayuganda bamutegeera nga Troy, omutuuze w’e Kyengera mu gombolola y’e Nsangi mu disitulikiti y’e Wakiso, aleteddwa mu kkooti enkya ya leero kyoka munnamateeka we Ladislaus Rwakafuzi, talabiseeko, ekiwaliriza kkooti okwongezaayo omusango gwo.
Wamala, bamuzizaayo ku Limanda mu kkomera lye Kigo, okutuusa nga 9, April, 2018 lwalidda okuddamu okuwuliriza, okunoonyereza wekutuuse ku musango gw’obutemu ogumuvunanibwa.
Oludda oluwaabi nga lukulembeddwamu Julius Muhiirwe lugamba nti nga 22, Janwali, 2018, Troy yakwata Radio namukuba wansi, nafuna obuzibu ku mutwe mu bbaala ya De bar Entebbe, ekyavirako okuffa kwe nga 1, Febwali, 2018.
Omulamuzi Mary Kaitesi yali mu musango gwo era amangu ddala nga bakomekereza okunoonyereza, omukwate Godfrey Wamala wakusindikibwa mu kkooti enkulu ewuliriza emisango gya nagomola.
Ekifaananyi kya Troy kya Daily Monitor