Bya Nakaayi Rashidah
Pulezidenti w’eggwanga lino Yoweri Kaguta Museveni avuddeyo ku nsonga z’abantu abatendekebwa okuyambako Poliisi okuziyiza emisango (crime preventers) mu ggwanga lino.
Bangi ku bannayuganda babadde bagamba nti eyaliko omuduumizi wa Poliisi mu ggwanga lino Gen Kale Kayihura yatandikawo akabinja ke (crime preventers) asobole okeyambisa okutigomya abantu bona ku ludda oluvuganya Gavumenti.
Wabula enkya ya leero Pulezidenti Museveni bw’abadde eyogerako eri ba Crime Preventers abasuuka mu 3,000 ku MTN Arena Lugogo, awakanyiza ebigambibwa nti ba Crime Preventers bona bakyali basajja ba Gen Kayihura era yeyaleeta ekirowoozo okubatekawo n’okutendekebwa.
Mungeri y’emu agambye nti abantu bonna abalowooza mu ngeri bwetyo, balina okukiggya mu birowoozo byabwe “So anybody who had an idea that this was a Kayihura project, please get it out of your head, Kale Kayihura was an active cadre who implemented that aspect of our strategy actively and I congratulate him for responding”.
Museveni era alangiridde nti crime preventers bona bagenda kulemberwa ekitongole ky’amaggye ekya Uganda Peoples Defence Forces (UPDF). Pulezidenti Museveni awadde abakulembera akabinja ka crime preventers okutekateeka okusisinkana omuduumizi w’amaggye Gen. David Muhoozi okusalawo mu ngeri gye bagenda okutambuza emirimu.
