Emisango gyanaggomola omuli egy’okusobya ku baana abato n’okutta abantu, gyegisinze okuba ku lukalala lw’emisango egitandise okuwulirwa omulamuzi wa kkooti enkulu Anna Mugenyi Bitature.
Enkya ya leero, omulamuzi Bitature atandiise okuwuliriza emisango gyanaggomola mu disitulikiti satu (3) okuli Nakaseke, Nakasongola ne Luweero.
Okusinzira ku mulamuzi Wilson Kwesiga akulira ekitongole ky’emisango gyanaggomola, Omulamuzi Bitature aweereddwa ennaku 40 okuwuliriza emisango mu kkooti enkulu e Luweero.
Ku misango kuliko 16 egy’okusobya ku baana, 15 egy’obutemu, emisango 4 egy’okwata abakyala, 3 egy’okubisa eryanyi, omusango gumu (1) ogw’okuwamba omuntu n’emisango emirala.
Abasibe basukka 50 abaludde ku limanda wakati wa 2015-2018 mu kkomera e Nakasongola.
